Waziri wa ulinzi wa Uturuki Hulusi Akar ametowa taarifa akisema makubaliano yanakaribia kufikiwa katika mazungumzo yanayofanyika mjini Istanbul kati ya maafisa wa nchi hiyo,Urusi na Ukraine pamoja na Umoja wa Mataifa. Rais Recep Tayyip Ergodan pia ametowa taarifa kuhusu kinachoendelea. Mkutano huo pia umejikita kutazama pendekezo la Umoja wa Mataifa la kutaka kuanza tena kwa usafirishaji wa Ammonia inayotumika kwenye mbolea, kutoka Urusi  kupitia bomba la Togliatti na Odessa. Urusi imezishutumu nchi za Magharibi kwa kuzuia kinyume cha sheria usafirishaji wa bidhaa hiyo.