Milio ya risasi na sauti za waandamanaji wanaokabiliana na maafisa wa polisi zimetanda huko Myanmar huku waandamanaji wakipigania demokrasia.
Picha: Hkun Lat/Getty Images
Matangazo
Milio ya risasi na sauti za waandamanaji wanaokabiliana na maafisa wa polisi zimetanda katika mji wa Yangon ambapo vikosi vya usalama vya Myanmar vilifyatua risasi na kuwaua zaidi ya watu 10 na kuwajeruhi wengine takriban 30 huku wengine wakiwa bado hawajitambui.
Video kutoka maeneo mbalimbali katika mitandao ya kijamii pamoja na vyombo vya habari vya Myanmar zinaonesha vikosi vya usalama vikiwapiga kwa manati waandamanaji, kuwafukuza na hata kuwashambulia kikatili wafanyakazi wa gari la kubeba wagonjwa.
Haya yanajiri siku moja baada tu ya mawaziri wa mambo ya nje kutoka nchi jirani za Kusini Mashariki mwa Asia kutoa wito wa kusitisha matumizi ya nguvu na kujitolea kuisaidia Myanmar katika kutatua mgogoro wao.
Waandamanaji wakiwa wamelala chini baada ya polisi kufaytua risasiPicha: REUTERS
Hakuna maneno yanayoweza kuelezea hali na hisia za waandamanaji
Kulingana na walioshuhudia, vikosi vya usalama viliamua kutumia risasi za moto bila kutoa ilani katika maeneo ya miji kadhaa. Jeshi la Myamnar lilionekana kuamua zaidi kuliko hapo awali kumaliza maandamano dhidi ya mapinduzi ya Februari 1 yaliyoiondoa serikali iliyochaguliwa ya Aung San Suu Kyi.
Mwanaharakati wa vijana Thinzar Shunlei Yi ameliambia shirika la habari la Reuters kupitia programu ya kutuma ujumbe kuwa mauwaji hayo ni ya kutisha, na hakuna maneno yanayoweza kuelezea hali na hisia zao.
James Faani ni rais wa Kamati ya Wakimbizi wa jamii ya China.
"Hapa sisi ni wakimbizi na hatuwezi kufanya chochote. Lakini angalau tulitaka kuonyesha ushirikiano wetu kwa watu wa Myanmar ambao wanapinga mapinduzi haya ya kijeshi, kwa sababu tungependa kutoa maoni kwa jumuia ya kimataifa ili kitu kifanyike nchini Myanmar," alisema Faani.
Juhudi za kuwasiliana na Msemaji wa baraza la kijeshi linalotawala Myanmar hazikufaulu, hakupokea simu ili kutoa maoni yake kuhusu kadhia hiyo.
Papa Francis amesikitishwa na machafuko ya Myanmar
Kulingana na Mhariri wa Gazeti la Monywa Ko Thit Sar, Athari kubwa zaidi zimeshuhudiwa katika mji wa kati wa Monywa, ambapo watu watano, kati yao wanaume wanne na mwanamke mmoja waliuawa.
Myanmar: Waandamanaji wapigwa kwa mabomu ya machozi na vifaa vya kupiga shoti ya umeme
Waandamanaji walikabiliwa na vikosi vya usalama, baada ya siku mbaya zaidi tangu mapinduzi ya mwezi uliopita.
Picha: AFP/Getty Images
Maandamano barabarani
Mwandamanaji aliyevaa kifaa cha kuzuia gesi ameketi kwenye barabara iliyofungwa huko Yangon. Polisi huko Yangon walifyatua gesi ya kutoa machozi dhidi ya umati wa watu ambao walirudi barabarani kupinga mapinduzi ya mwezi uliopita.
Picha: ASSOCIATED PRESS/picture alliance
Sura ya Suu Kyi ipo daima
Waandamanaji waliovalia kofia ngumu za usalama wanapiga kelele na kuonyesha picha za kiongozi wa Myanmar aliyeondolewa madarakani Aung San Suu Kyi wakati wa maandamano ya kupinga mapinduzi nyuma ya kizuizi kwenye barabara iliyofungwa huko Yangon. Waandamanaji waliingia barabarani wakati mawaziri wa mambo ya nje wa Kusini Mashariki mwa Asia wakijiandaa kukutana kuujadili mgogoro huo.
Picha: ASSOCIATED PRESS/picture alliance
Mabomu ya kutoa machozi huko Mandalay
Eneo hili, kutoka Jumanne, linaonyesha waandamanaji wakiondoka kwenye wingu la gesi ya kutoa machozi huko Mandalay. Waandamanaji kote nchini walivaa kofia ngumu na ngao za kutengeneza, na kukusanyika nyuma ya vizuizi wakati wakiimba na kupiga saluti kwa kutumia vidole vitatu.
Picha: ASSOCIATED PRESS/picture alliance
Saluti ya vidole vitatu kwa ajili ya demokrasia
Saluti hii ya vidole vitatu imekuwa ishara ya maandamano huko Myanmar. Awali ilionyeshwa katika vitabu vya "Hunger Games" na vipindi vya runinga na mara ya kwanza ilifanywa na wafanyikazi wa matibabu wanaopinga mapinduzi. Hakukuwa na ripoti za majeraha yoyote huko Yangon Jumanne, lakini walioshuhudia walidai kwamba watu kadhaa walijeruhiwa magharibi mwa mji wa Kale.
Picha: ASSOCIATED PRESS/picture alliance
Machafuko katika mitaa
Waandamanaji wanaangalia mwendo wa lori la polisi wakati wa maandamano ya kupinga mapinduzi kwenye barabara iliyofungwa huko Mandalay Jumanne, Machi 2. Waandamanaji pia waliandamana kupitia mitaa ya Dawei, mji mdogo kusini mashariki mwa Myanmar ambao umekuwa na maandamano karibu kila siku dhidi ya utawala wa jeshi.
Picha: ASSOCIATED PRESS/picture alliance
Kuomboleza waliokufa
Watu wanasali karibu na jeneza la mwanamke ambaye familia yake ilisema aliuawa na jeshi Jumapili, wakati wa ibada yake ya mazishi huko Mandalay Jumatatu, Machi 1. Kulingana na Umoja wa Mataifa takriban watu 18 waliuawa na vikosi vya usalama Jumapili.
Picha: ASSOCIATED PRESS/picture alliance
Waandamanaji dhidi ya polisi
Mwandamanaji amtupia sehemu ya ndizi polisi wakati wa maandamano huko Yangon Jumanne, Machi 2. Mamia walikusanyika katika eneo la Hledan la Yangon, ambapo siku iliyopita polisi walikuwa wametumia mabomu ya kutoa machozi mara kadhaa.
Picha: ASSOCIATED PRESS/picture alliance
Waandamanaji wanawaomboleza wahanga wa mwishoni mwa wiki
Mwombolezaji anahudhuria mazishi ya Jumanne ya Nyi Nyi Aung Htet Naing, ambaye alikufa kutokana na jeraha la risasi wakati akihudhuria maandamano huko Yangon. Waandamanaji wameendelea kuingia mitaani kote Myanmar licha ya kushuhudia mwishoni mwa wiki iliyopita iliyomwaga damu zaidi tangu mapinduzi ya Februari.
Picha: AFP/Getty Images
Picha 81 | 8
Kiongozi wa kanisa Katoliki duniani Papa Francis amesikitishwa na mapigano hayo na umwagaji damu na vifo na kuzitolea wito mamlaka zinazohusika kufanya mazungumzo ili kusitisha ukandamizaji na matumizi ya nguvu.
''Natoa rai pia kwa jumuia ya kimataifa kufanya kazi ili kuhakikisha kuwa matakwa ya watu wa Myanmar hayapaswi kuzuiliwa na vurugu. Wacha vijana wa ardhi hiyo wapewe tumaini la siku zijazo ambapo chuki na dhuluma hutoa nafasi kwa maridhiano. Hamu iliyoonyeshwa mwezi uliopita kwamba njia ya demokrasia iliyodumu katika miaka ya hivi karibuni Myanmar inaweza kuendelea kupitia ishara thabiti ya kuachiliwa kwa viongozi wa kisiasa waliofungwa," alisema Papa Francis.
Takriban watu 35 wameuawa tangu mapinduzi hayo yalipofanyika Februari Mosi.
