SiasaEritrea
Vikosi vya Eritrea bado vyatekeleza mauaji ya raia wa Tigray
2 Desemba 2022![Sudan Äthiopische Flüchtlinge Tigray Um Raquba](https://static.dw.com/image/56663772_800.webp)
Matangazo
Kulingana na habari zilizokusanywa kati ya Novemba 17 na 25 na kituo cha dharura cha Tigray, vikosi kutoka nchi jirani ya Eritrea, ambavyo vimepigana pamoja na jeshi la Ethiopia katika mzozo huo uliodumu kwa miaka miwili, vimewaua raia 111 na kuwajeruhi wengine 103 katika eneo la Mashariki mwa Tigray.
Ripoti hiyo pia inasema kwamba kulikuwa na visa 39 vya utekaji nyara na kupotezwa kwa raia kulikofanywa na wanajeshi hao wa Eritrea pamoja na uporaji mkubwa unaojumuisha uharibifu wa nyumba 241. Mmoja wa raia waliotekwa nyara baadaye alipatikana akiwa ameuawa.