Jenerali mkuu wa jeshi la Ukraine Valery Zaluzhniy amemfahamisha mwenyekiti wa kamati ya pamoja ya wanadhimu wa jeshi Marekani Mark Milley kwamba vikosi vyake vimefanikiwa kuyakomboa maeneo ya Bakhmut yaliyotekwa na vikosi vya Urusi mwezi uliopita katika mapambano makali.

Zaluzhniy amemfahamisha Milley kuhusu silaha zinazohitajika na vikosi vya Ukraine pamoja na vifaa vya kuyategua mabomu ya kutegwa ardhini.

Wakati haya yakiarifiwa maafisa wa Ukraine wamesema idadi ya vifo kutokana na shambulizi lililofanywa na vikosi vya Urusi kwenye mgahawa katika mji wa mashariki wa Kramatorsk siku mbili zilizopita imefikia 12.