Viongozi hao ambao ni marais wa Nigeria Bola Tinubu pamoja na wenzake wa Niger, Guinea-Bissau na Benin, pia wanajadiliana kuhusu kuirudisha Mali katika demokrasia baada ya mkururo wa mapinduzi. Wanachama watatu wa Jumuiya ya Kiuchumi ya Afrika Magharibi ECOWAS Mali, Burkina Faso na Guinea ni nchi zinazoongozwa kijeshi baada ya mapinduzi mara tano miongoni mwao tangu mwaka 2020. Makundi ya kigaidi ya Al-Qaeda na lile linalojiita Dola la Kiislamu, yanazidi kuenea katika eneo la Sahel na sasa yanapeleka machafuko kusini katika pwani ya mataifa ya Afrika Magharibi.