Zaidi ya wakuu 100 wa mataifa na serikali wamepangiwa kuhutubia kwenye jukwaa hilo muhimu la ulimwengu kuanzia leo hadi Jumatatu ijayo.

Katibu Mkuu wa Umoja wa Mataifa, Antonio Guterres, ameonya kwamba changamoto za kimataifa zinasonga mbele kwa kasi zaidi kuliko uwezo wa chombo chake kuzitatuwa.

Soma zaidi: Viongozi wa dunia kuhutubia Hadhara Kuu ya Umoja wa Mataifa

Kutokana na Umoja huo kushindwa kukomesha mauaji kwenye mizozo inayoendelea sasa ulimwenguni, baadhi ya wachambuzi wa masuala ya kimataifa wanasema Umoja wa Mataifa unaelekea kutokuwa na nafasi yoyote kwenye siasa wala usalama wa dunia.