Viongozi wa EU kujadili hali ya kiuchumi wa kikanda
24 Machi 2023![Belgien EU l Treffens der Außenminister der Europäischen Union in Brüssel](https://static.dw.com/image/64761739_800.webp)
Viongozi wa nchi za Umoja wa Ulaya zinazotumia sarafu ya Euro watakutana pamoja na rais wa benki kuu ya Umoja huo, Christine Lagarde, mjini Brussels kujadili hali ya kifedha katika ukanda huo.
Mazungumzo hayo yanakuja baada ya kupandishwa kwa mara nyingine viwango vya riba na benki hiyo katika juhudi za kupunguza mfumko wa bei na kutokana na wasiwasi juu ya athari zitakazosababishwa na hatua ya hivi karibuni ya kuporomoka kwa benki kubwa ya Credit Suisse ya nchini Uswisi.
Soma pia: Viongozi wa Umoja wa Ulaya wamualika Guterres katika mkutano wao wa kilele
Hatua ya kupunguzwa kwa kiasi kikubwa usambazaji wa gesi ya Urusi kutokana na Umoja wa Ulaya kuiwekea vikwazo nchi hiyo, kufuatia uvamizi wake nchini Ukraine, imesababisha bei za nishati kuongezeka na kusababisha khofu ya kutokea mporomoko wa kiuchumi. Mkutano huo pia utajadili vita vya Ukraine.