Rais wa Halmashauri Kuu ya Umoja wa Ulaya Ursula von der Leyen yuko mjini Kyiv tangu jana alikowasili kwa treni, katika safari iliyonuiwa kuwa ishara ya kuonesha uungaji mkono kwa taifa hilo linaloelekea kuadhimisha mwaka mmoja tangu uvamizi wa Urusi.

Hii leo Bibi von der Leyen na rais wa Baraza Kuu la Umoja wa Ulaya Charles Michel watakuwa na mkutano na rais Zelenksy utakaofanyika baada ya mazungumzo ya maafisa waandamizi kutoka pande zote mbili.

Rais Zelensky ameurai Umoja wa Ulaya kuongeza vikwazo dhidi ya Moscow lakini duru zimedokeza kwamba awamu mpya ya vikwazo vinavyoandaliwa na umoja huo haitokidhi matakwa ya serikali mjini Kyiv.