Katika taarifa yao ya pamoja kundi hilo limesema, hatua ya China ya kuzidi kutengeneza silaha hizo kwa usiri inaleta wasiwasi wa kiusalama na kusisitiza haja ya kusitisha biashara na taifa hilo.

Wakati huo huo, viongozi hao wa nchi hizo 7 tajiri duniani wamekubaliana kuiwekea Urusi vikwazo zaidi huku taarifa rasmi ya kundi hilo ikisubiriwa kutolewa mwishoni mwa mkutano huo mjini Hiroshima Japan.

Mataifa hayo yamekubaliana kusitisha usafirishaji wa bidhaa nchini Urusi unaoweza kuisaidia katika vita vyake vya miezi 15 nchini Ukraine.