Mkutano huo unaonuiwa kuweka matatizo ya mataifa masikini barani Afrika, katika ajenda kuu ya mazungumzo, umegubikwa na mvutano kati ya mwenyejiAfrika Kusini na Marekani baada ya utawala wa Trump kuususia.

Mkutano huo unaoanza mjini Johannesburg utahudhuriwa na wajumbe 18 wa mataifa tajiri na yanayoinukia kiuchumi ukiondoa Marekani, ambayo imesema ni aibu kwa mkutano huo kufanyika Afrika Kusini. Trump anadai kuwa waafrika kusini weusi waliowengi wanafanya mauaji ya waafrika kusini wazungu waliowachache nchini humo.

Mkutano wa G20 utajadili pamoja na mambo mengine athari za mabadiliko ya tabia nchi kwa mataifa yanayoendelea, mzigo wa madeni kwa mataifa masikini na ongezeko la pengo kubwa la ukosefu wa usawa duniani.