Shirika la habari la serikali RIA, limemnukuu Rais Putin akisema kuwa nchi hizo zina mipango mikubwa ya pamoja, miradi katika maeneo ya kiuchumi na kiutu, na wanatarajia itadumu kwa miaka mingi. Mapema, Li alisema kuwa China iko tayari kufanya kazi na Urusi ili kuimarisha ushirikiano wa miradi wa pande zote. Li amekutana pia na Waziri Mkuu wa Urusi Mikhail Mishustin, ambapo wamejadiliana kuhusu ushirikiano wa karibu katika sekta ya nishati. Mishustin amemueleza mgeni wake kwamba Urusi iko tayari kuwa muuzaji mkubwa zaidi wa mafuta ghafi kwa China. China inavichukulia vita vya Urusi nchini Ukraine kama vinavyovuruga utaratibu wa kimataifa, ingawa iko upande wa Urusi katika suala hilo.