Von der Leyen ameliambia gazeti la Ujerumani la Bild kwamba haifai kuchochea ugaidi na chuki dhidi ya Wayahudi au vurugu dhidi ya jamii ya walio wachache, na kwamba vitendo hivyo havina nafasi barani Ulaya na vinatakiwa kupigwa vita.

Hayo yakijiri, Marekani imelaani leo hii maandamano ya chuki dhidi ya Wayahudi ambayo imesema yanaongezeka kote duniani, baada ya umati wa watu hapo jana kuuvamia uwanja wa ndege wa Dagestan nchini Urusi kufuatia uvumi kwamba kulikuwa na ndege iliyotarajiwa kutua ikitokea Tel Aviv.