Muungano huo wa serikali ya Kansela Olaf Scholz unatarajiwa kukutana kesho kwa mkutano wake wa kwanza mkuu tangu mapumziko ya majira ya joto ya bunge, ila vyama hivyo vitatu vinatofautiana pakubwa katika sera ya uchumi.

Tofauti katika muungano huo zilianza kuonekana wazi baada ya waraka wa sera ya uchumi wa waziri wa fedha Christian Lindner,kuwekwa wazi Ijumaa iliyopita, ambapo alitaka sera nzima ya uchumi ya serikali ifanyiwe mabadiliko.

Soma pia:Ujerumani inaweza kukabiliwa na uchaguzi wa mapema

Tofauti zilizojitokeza kutokana na kuonekana kwa waraka huo zilipelekea uvumi wa uwezekano wa serikali hiyo kuvunjika na kutoa nafasi ya uchaguzi mpya kufanyika.

Kansela Olaf Scholz amesema leo kuwa ana imani kuwa mwafaka utapatikana. Waziri wa uchumi wa Ujerumani, Robert Habeck, ametaka kuwepo na uvumilivu miongoni mwa wanachama akidai huu utakuwa wakati mbaya kwa serikali hiyo kuvunjika, ukizingatia kuna uchaguzi wa Marekani na vita vinavyoendelea vya Ukraine.