Mikusanyiko mikubwa ya watu imeshuhudiwa katika mji mkuu wa Dhaka, licha ya polisi kuipiga marufuku.

Takriban watu 50 wameuawa nchini humo wiki hii baada ya polisi kufanya msako mkali kwa lengo la kuzima maandamano ya wanafunzi wanaotaka marekebisho ya sheria za kuwaajiri watumishi wa umma.

Hospitali ya Chuo cha Madaktari cha Dhaka imesema watu wasiopungua 19 wamefariki katika jiji hilo siku ya Ijumaa. Maandamano hayo ya wanafunzi yamesababisha uharibifu mkubwa wa majengo ya serikali na kuzimwa kwa mtandao wa intaneti kote nchini.

Miongoni mwa ofisi zilizoharibiwa, ni makao makuu ya shirika la utangazaji la Bangladesh.