Haya ni kwa mujibu wa rafiki ya waandishi hao wa habari. Rafiki huyo ambaye hakutaka kutajwa jina ameliambia shirika la habari la Ufaransa AFP kuwa mwasisi wa kituo hicho Yaysewe Shimelis alikamatwa nyumbani kwake na karibu maafisa 4 wa polisi waliokuwa hawakuvalia sare rasmi mapema Jumatatu na kufikia sasa hajulikani alipo.

Mwengine aliyekamatwa kutoka nyumbani kwake ni Abebe Bayu ambaye ni mwandishi wa zamani wa televisheni ambaye kwa sasa hajulikani alipo pia.

Kamati ya kuwalinda waandishi wa habari CPJ inasema tangu mwaka 2020, Yaysewe amekamatwa zaidi ya mara tatu ikiwemo katikati ya mwaka 2021 alipowekwa kizuizini kwa katika kambi ya kijeshi eneo la Afar.