Kiongozi wa chama cha Republican, Kevin McCarthy, alishindwa kupata kura za kutosha ili kuchaguliwa spika wa Baraza la Wawakilishi.

Mwanasiasa huyo kutoka California alihitaji kura 218 kati ya 434. Hii ni mara ya kwanza katika karne moja, kwa Warepublican kushindwa kumchagua spika hata baada ya majaribio matatu.

McCathy amesema atasalia kwenye kinyang'anyiro hicho cha uspika.

Rais wa zamani, Donald Trump, ametoa wito kwa wajumbe wa Republican kumuunga mkono McCarthy.