Vyombo vya habari nchini Zambia vimeripoti kuwa wachimba migodi sita waliofariki katika mgodi ulioko Chingola, mji ulio katika mkoa huo wenye shaba, walikuwa watu kutoka familia moja.

Wahanga hao walikuwa si wafanyakazi wa kampuni ya uchimbaji shaba katika eneo hilo ila walikuwa sehemu ya kundi la watu waliokuwa wanatafuta madini hayo bila idhini, jambo ambalo si geni nchini Zambia.

Desemba mwaka uliopita, wachimba migodi wengine 30 walifariki dunia katika mgodi mwengine wa Chingola baada ya mgodi huo kuporomoka kufuatia mvua kubwa.