Uturuki na Marekani zajadili kusitisha mapigano Gaza
21 Agosti 2024![Mzozo kati ya Israel na Hamas | Waziri wa mambo ya nje wa Marekani Antony Blinken akutana na rais wa Misri Abdel-Fattah Al-Sissi](https://static.dw.com/image/70003496_800.webp)
Matangazo
Msemaji wa Wizara ya Mambo ya Nje wa Uturuki, Oncu Keceli amesema mazungumzo hayo yaliyofanyika kwa njia ya simu, yametokana na ombi la Marekani. Amesema Fidan na Blinken pia wamejadiliana kuhusu maendeleo ya kikanda. Wakati huo huo, kundi la Hezbollah la nchini Lebanon leo limerusha zaidi ya roketi 50, na kushambulia nyumba kadhaa binafsi katika Milima ya Golan inayokaliwa na Israel. Shambulizi hilo limefanyika siku moja baada ya Blinken kukutana na wapatanishi wa Misri na Qatar, wakati akiendeleza juhudi za kidiplomasia kuhakikisha vita vinasitishwa Gaza. Nalo jeshi la Israel limesema limefanya mashambulizi ya mabomu katika maghala ya kuhifadhia silaha ya Hezbollah kwenye Bonde la Bekaa nchini Lebanon.