Duru zenye uelewa na suala hilo zimesema wengine waliodukuliwa ni watu wenye uhusiano na mpinzani wa Trump, Kamala Harris, anayegombea urais kupitia chama cha Democratic.

Haikuwekwa wazi mara moja ikiwa kuna taarifa zozote zilizodukuliwa, na maafisa wa Marekani wanaendelea kuchunguza, zimesema duru nyingine zilipozungumza na shirika la habari la AP, ambazo pia hazikutaka kutambulishwa.  

Shirika la Upelelezi nchini Marekani, FBI hata hivyo halikuthibitisha ikiwa Trump na Vance ndio walikuwa walengwa wakuu, ingawa limesema tu kwamba linachunguza.