Mwakilishi wa shirika la kiintelijensia la Ukraine Andriy Chernyak ameliambia shirika la habari la nchini humo la RBK kwamba jeshi halijaona dalili yoyote ya mamluki hao kuondoka na kuongeza kuwa matamshi hayo yanatokana na ukweli kwamba Prigozhin hataweza kutimiza ahadi yake ya kuukamata mji huo ifikapo Mei 9.

Soma zaidi: Mmiliki wa Wagner: Vita nchini Ukraine vinaweza kudumu kwa miaka kadhaa

Jana Ijumaa alisema wanajeshi wake watajiondoa Jumatano ijayo, huku akilishutumu jeshi la Urusi kwa kile alichosema kuwanyima watu wa Urusi ushindi. 

Msemaji wa ikulu ya Kremlin Dmitri Peskov amesema hawezi kulizungumzia suala hilo.