Wahamiaji hao walipatikana jangwani na kupelekwa katika kijiji cha al-Assah kilichoko katika eneo hilo la mpaka. 

Taarifa ya wizara hiyo imesema kuwa kundi la maafisa kutoka Shirika la Umoja wa Mataifa la Uhamiaji, IOM, na mamlaka za Libya waliwapa wahamiaji haochakula, nguo na makaazi ya muda pamoja na huduma za kwanza za matibabu kwa waliojeruhiwa.

Soma pia:Tunisia: Wahamiaji wasio na vibali walitumiwa dola bilioni 1 katika nusu ya kwanza ya mwaka 2023

Katika video iliyochapishwa na wizara hiyo, wanaume wawili kutoka Nigeria wamesema walipigwa na wanajeshi wa Tunisia na kupelekwa pamoja na wahamiaji wengine katika eneo la jangwa na kuamrishwa kuvuuka mpaka kuingia Libya.

Mwanamme mwingine amesema wanajeshi hao wa Tunisia walichukuwa paspoti zao na kuzichoma kabla ya kuwasafirisha watu 35 katika gari moja kuelekea katika eneo hilo la mpaka na Libya.