Shirika la umisionari na la hisani la Missions in Haiti, lenye makao yake kwenye jimbo la Oklahoma nchini Marekani limesema Davy na Natalie LLoyd pamoja na mkurugenzi wa shirika hilo ambaye ni raia wa Haiti Jude Montis waliuliwa na watu wenye silaha Alhamisi, usiku walipokuwa wakitoka kanisani.

Soma pia: Umoja wa Mataifa waonya kuhusu hali mbaya inayoendelea Haiti

Baba wa Natalie ni seneta wa jimbo la Missouri, Ben Baker na Davy ni mtoto wa David na Alicia Lloyd walioanzisha shirika hilo nchini Haiti, mnamo mwaka 2000.

Msemaji wa Katibu Mkuu wa Umoja wa Mataifa, Antonio Guterres amesema kisa hicho kinadhihirisha kwa mara nyingine kuwa hakuna anayeweza kuepuka vurugu nchini Haiti.