Rami Abdel Rahman ambaye ni mkuu wa shirika la Syrian Observatory for Human Rights ametoa taarifa hiyo kwa shirika la habari la Ujerumani dpa ingawa hakuweza kuthibitisha iwapo ndiye mkuu wa kundi hilo.

Shirika hilo linasema tukio hilo limetokea Janderes katika eneo la Afrin.

Erdogan: Vikosi vya Uturuki vimemuua Kiongozi wa IS

Hapo jana Rais wa Uturuki Recep Tayyip Erdogan aliliambia shirika la habari la Uturuki TRT Turk, kwamba mtu huyo ni Abu Hussein al-Qurayshi na ambaye aliuwawa na majeshi ya Uturuki katika operesheni iliyofanywa Jumamosi.