Vyanzo vitatu vya usalama vimeliambia shirika la habari la Reuters kuwa, shambulio hilo limefanyika takriban kilomita 190 kutoka mji mkuu Niamey karibu na mpaka wa Mali, Burkina na Niger.

Eneo hilo la Kandadji limekuwa kitovu cha oparesheni za waasi katika ukanda wa Sahel katika muda wa miaka michache iliyopita.

Vyanzo hivyo vikiwemo afisa mkuu wa kijeshi, viliomba kutotajwa majina yao kwa sababu hawajaidhinisha kuzungumza na vyombo na habari, japo hawakueleza ni kundi gani lililohusika na shambulio hilo.

Makundi ya wapiganaji wenye mafungamano na al-Qaeda na kundi linalojiita Dola la Kiislamu yamekuwa yakifanya mashambulizi ya mara kwa mara na kuwalenga wanajeshi na raia wa kawaida.