Hayo yameelezwa leo na wizara ya ulinzi ya Niger iliyosisitiza kuwa idadi ya vifo huenda ikaongezeka kutokana na shambulizi la siku ya Ijumaa, kwani watu wengine 16 bado haijulikani walipo.

Taarifa hiyo imebaini pia kuwa washambuliaji kadhaa waliuawa wakati wa mapigano hayo, lakini haikubainisha idadi yao.

Baada ya kuondoka kwa wanajeshi wa Ufaransa nchini Mali mwaka jana huku wakijiandaa pia kuondoka Burkina Faso, Ufaransa itapeleka wanajeshi 3,000 pekee katika eneo lenye machafuko la Sahel katika nchi za Niger  na Chad, kunakoripotiwa makundi ya kigaidi.