Idara ya uchunguzi ya  serikali SBI imetoa taarifa hiyo leo ikisema helikopta  hizo mbili za kijeshi chapa Mi-8  zilianguka Jumanne katika wilaya ya Kramatorsk,katika jimbo la Mashariki la Donetsk ingawa hakuna ufafanuzi wa kina uliotolewa kuhusu kilichotokea. 

Soma pia:Urusi yasema imedungua droni ya Ukraine iliyoelekezwa Moscow

Taarifa hiyo pia imeleeza kwamba uchunguzi wa awali unaofanywa na shirika la ujasusi kuhusu masuala ya usalama nchini humo utajikita kuangalia ikiwa kuna uwezekano sheria za kiusalama zilikiukwa wakati na baada ya ndege hizo kuanza safari.

Jambo ambalo linaweza kushughulikiwa kama kosa la uhalifu. Nyingi ya helikopta hizo chapa Mi-8 za Ukraine ni za miongo kadhaa.