Walikuwa Somalia wakitoa mafunzo kwa jeshi la taifa la nchi hiyo. Haya yameelezwa jana na wizara ya ulinzi ya UAE.

Katika taarifa kupitia mtandao wa kijamii wa X, wizara hiyo imesema kuwa wanajeshi hao walikumbana na ''kitendo cha kigaidi" wakati walipokuwa wakifanya kazi ya kutoa mafunzo kwa jeshi hilo la Somalia.

Taarifa hiyo imeongeza kuwa watu wengine wawili pia walijeruhiwa wakati wa tukio hilo bila ya kutoa maelezo zaidi.

Hata hivyo wizara hiyo ya ulinzi ya UAE imesema kuwa nchi hiyo inaendelea kushirikiana na serikali ya Somalia katika kuchunguza tukio hilo.

Afisa mmoja mkuu wa jeshi la Somalia aliyezungumza kwa sharti la kutotambulishwa, amesema tukio hilo lilitekelezwa na mwanajeshi mmoja wa nchi hiyo ambaye pia aliuawa wakati wa mashambulizi hayo.

Rais wa Somalia Hassan Sheikh Mohamud, ametuma salamu za rambi rambi kwa serikali na watu wa UAE kutokana na mauaji hayo.