Taarifa hiyo iliyotolewa kupitia jukwaa la X imeongeza kuwa wanajeshi saba wa Marekani wamejeruhiwa wakati wa operesheni hiyo. Operesheni hiyo ya pamoja  iliwalenga viongozi wa kundi hilo la dola la Kiislamu.

Kamandi Kuu ya jeshi la Marekani imebainisha kuwa, wakati wa makabiliano, wanamgambo wa kundi hilo walikuwa wamejihami kwa silaha kadhaa yakiwemo mabomu na mikanda inayotumika kujitoa mhanga.

Operesheni hiyo imefanyika ikiwa ni miezi kadhaa baada ya mazungumzo kati ya Washington na Baghdad, yaliyojadili ushirikiano wa kijeshi katika kupambana na ugaidi nchini Iraq.