Katika rufaa mbili tofauti zilitowasilishwa mbele ya Mahakama ya Juu ya nchi hiyo, wagombea hao Atiku Abubakar na Peter Obi wanaomba kutangazwa kuwa washindi badala ya rais Tinubu.

Nyaraka za mahakama zinaonesha wanasiasa hao wawili wote wanalalamika kuwa uamuzi uliotolewa na mahakama mapema mwezi huu wa kukataa kesi zao za awali za kuupinga ushindi wa Tinubu, ulipuuza ushahidi ulioonesha dosari za uchaguzi ambao ulifanyika mwezi Februari.

Kwenye uchaguzi huo Atiku wa chama cha Peoples Democratic (PDP) alishika nafasi ya pili na Obi wa Labour Party alikuwa mshindi wa tatu.