Teknolojia hiyo inatumika kwenye uundaji wa runinga na taa za kisasa pamoja na vifaa vya kitaalamu vinavyotumika kwenye upasuaji.

Wasayansi hao Moungi Bawendi, Louis Brus na Alexei Ekimov kutoka vyuo vikuu vitatu nchini Marekani wametangazwa washindi hii leo wa tuzo hiyo mashuhuri yenye thamani ya dola milioni 1.

Mjumbe wa kamati ya tuzo za Nobel Pernilla Witting amesema mchango wa wasayansi hao umewezesha kutumika chembe ndogo za atomi ambazo hazionekani kwa macho lakini zinatoa mwanga pamoja na rangi.

Wote watatu wamesema wamepokea kwa bashasha na mshangao tangazo la kuteuliwa kwao kuwa washindi wa tuzo hiyo.