Rais George Bush ameidhinisha matumizi ya dola bilioni 82 kwa ajili ya kugharimia vita nchini Irak na Afghanistan.

Sehemu kubwa ya fedha hizo itatumika kwa ajili ya kununulia zana za kivita na malipo kwa familia za askari waliokufa nchini Irak na Afghanistan.

Kiasi kingine cha fedha hizo,dola milioni mia tisa na saba kitatumika katika kuwasaidia wahanga wa maafa ya mafuriko yaliyotokea katika za bara la Asia mnamo mwezi wa desemba mwaka jana.

Wizara ya ulinzi ya Marekani ilitahadharisha hapo awali kwamba bila ya fedha hizo kuidhinishwa baadhi ya shughuli za kijeshi zisingeweza kugharimiwa hadi kufikia kati kati ya mwezi huu.

.