Seneti ya Marekani imefanya mkutano wa siri wa kudai kukamilishwa kwa uchunguzi juu ya madai ya kutumiwa vibaya kwa idara ya upelelezi na ikulu ya Mrekani katika kuhalalisha sababu ya kuanzisha vita ya Iraq.

Wabunge wa chama cha Democtrat walitumia nafasi hiyo kuwalazimisha wanasheria kujadili swala hilo lakini wenzao wa chama cha Republican wameielezea hatua ya wabunge wa Democrats kama tamthilia.

Hata hivyo wabunge wa Republicans wamekubali kuunda tume ya vyama vyote viwili itakayo toa taarifa juu ya kamati ya upelelezi inavyo endelea na uchunguzi wake kufikia Novemba 14.