Washukiwa wa 'Dola la Kiislamu' washambulia Libya
29 Oktoba 2018![Irak - Mosul - IS](https://static.dw.com/image/40054075_800.webp)
Watu wanaoshukiwa kuwa wanamgambo wa kundi linalojiita Dola la Kiislamu - IS wameushambulia mji mdogo katikati mwa Libya, na kuwauwa karibu watu wanne, akiwemo mtoto wa kiume wa Meya, na kuchoma moto kituo cha polisi.
Wakaazi wa mji wa Al Fuqaha wamesema leo kuwa shambulizi hilo lilifanyika leo usiku, na kuwa wakaazi kadhaa hawajulikani waliko tangu uvamizi huo, na mpaka sasa hatima yao haijulikani.
Mji huo uko kusini mwa mji wa pwani wa Sirte, ambayo ni ngome ya zamani ya IS.
Shambulizi hilo linadhihirisha namna eneo la katikati mwa Libya lilivyo tete, ambapo IS na makundi mengine yenye silaha, yakiwemo mengine kutoka nchi jirani Chad, yanaendesha harakati zao kwa kuwapora watu kwenye barabara za magari au kushambulia doria za wapiganaji wanaojiita Jeshi la Kitaifa la Libya.