DFL imesema matokeo ya watu hao kumi ni miongoni mwa vipimo 1,724 miongoni mwa wachezaji, makocha na madaktari kutoka timu 36 za ligi kuu na ligi ya daraja la pili. Kitengo hicho cha ligi kimesema watu hao 10 wametengwa mara moja na watawekwa katika karantini kwa mujibu wa sheria za maafisa wa afya wa maeneo wanakotokea.

Upimaji huo, ambao duru ya pili inafayika wiki hii, ni sehemu ya mpango wa DFL kuhakikisha Bundesliga inarejea tena bila mashabiki kuwepo uwanjani.

DFL pia imesema imekubaliana na wizara ya ajira kwamba vilabu vitafanya mazoezi katika karantini kabla ligi kuanza tena mwezi huu.

(dpa)