Hayo yameelezwa na Meya wa jiji hilo Gennadiy Trukhanov ambaye ameongeza kuwa vikosi vya uokoaji vilikuwa vikikabiliana na moto mkubwa bila hata hivyo kutoa maelezo zaidi.

Mji wa Odesa, wenye bandari kwenye Bahari Nyeusi ni muhimu kwa mauzo ya nje ya Ukraine, na umekuwa ukilengwa mara kwa mara na mashambulio mabaya ya Urusi.

Jana, maafisa katika mji huo walisema watu watatu waliuawa katika shambulio la kombora la Urusi.

Soma pia:Makombora ya Urusi yauwa watu watano Ukraine

Ukraine imesema pia kuwa imeharibu kiwanda cha kusafisha mafuta cha Urusi huko Ryazan, takriban kilometa 200 kusini-mashariki mwa mji wa Moscow.