Afisa mmoja wa kanisa, Jean-Pierre Sawadogo ameliambia shirika la habari la AFP kuwa, kanisa katoliki katika kijiji cha Essakane lilishambuliwa.

Sawadogo amedai kuwa, wapiganaji wenye itikadi kali za kidini ndio waliohusika. Hata hivyo hakukuwa na tamko lolote kutoka kwa mamlaka kuhusu shambulio hilo.

Shambulio hilo ni moja kati ya hujuma zinazodaiwa kufanywa na makundi ya watu wenye silaha katika eneo hilo, na ambao wamekuwa wakilenga makanisa na kuwateka nyara viongozi wa kidini.

Kijiji cha Essakane, kiko katika eneo linalojulikana kama "mipaka mitatu" kaskazini mashariki, karibu na mipaka ya Burkina Faso, Mali na Niger.