Watu wapatao 25 wameuliwa kufuatia siku kadhaa za makabiliano makali kati ya waumini Waislamu wa madhehebu ya Shia na Sunni waliojihami na silaha kuhusiana na mgogoro wa ardhi kaskazini magharibi mwa Pakistan.

Mapiganohayo yaliyoanza mwishoni mwa juma lililopita katika wilaya ya Kurram, mkoa wa kaskazini magharibi wa Khyber Pakhtunkhwa unaopakana na Afghanistan, yaliendelea jana Jumatano.

Maafisa wanasema watu kadhaa kutoka pande zote mbili wamejeruhiwa tangu Jumamosi iliyopita. Msemaji wa serikali ya jimbo Barrister Saif Ali, amesema mamlaka wakisaidiwa na wazee wa makabila wanajaribu kutuliza hali ya wasiwasi na pande zote zimekubali kufanya mazungumzo ya amani kufuatia mazungumzo yaliyofanyika Kurram.