Tukio hilo limeripotiwa jana, ingawa kwa wakati huo polisi walitoa taarifa za watu kujeruhiwa tu huku vidio za tukio hilo zikionekana kufutwa kutoka kwenye mitandao ya kijamii. 

Lakini hii leo polisi wamelitaja tukio hilo kuwa shambulio baya lililotokea katika kituo cha michezo cha Zhuhai na kutaja idadi ya watu waliopoteza maisha.

Aidha, taarifa ya polisi imesema dereva mwenye umri wa miaka 62 aliendesha gari na kulazimisha kuingia katika kituo cha michezo na kuwagonga watu waliokuwa wakifanya mazoezi ndani ya uwanja.

Rais wa China Xi Jinping ameagiza majeruhi wote wapatiwe matibabu na adhabu kwa mhusika kulingana na sheria.