Ajali hiyo imetokea jana jioni katika eneo la milima la magharibi mwa Beijing kwenye njia ya reli ya Changping.

Manispaa ya Beijing imeeleza kuwa, timu ya waokoaji kutoka idara ya zima moto na polisi ilifika katika eneo la tukio na kwamba abiria wote waliokuwemo ndani ya treni hizo wameokolewa.

Theluji nyingi imemwagika katika mji mkuu Beijing tangu siku ya Jumatano, huku shughuli za uchukuzi na masomo zikiathirika. Mamlaka imeuweka mji huo katika tahadhari kutokana na kukumbwa na theluji na baridi kali.