Rais wa Cuba Miguel Diaz-Canel ametangaza kuwa watu sita wamefariki nchini humo kutokana na kimbunga Oscar. Katika hotuba yake kwenye televisheni, rais Diaz-Canel amesema dhoruba hiyo ilisababisha pia uharibifu mkubwa katika jimbo la mashariki la Guantanamo.

Soma pia: Kimbunga Oscar chapiga Cuba na kuzidisha matatizo ya kukatika kwa umeme

Hayo yanajiri wakati visiwa hivyo vikiendelea kukabilia na tatizo kubwa la ukosefu wa umeme, jambo ambalo limezusha maandamano katika baadhi ya maeneo huku serikali ikionya kwamba machafuko yoyote yataadhibiwa vikali. Kukatika kwa umeme ni mojawapo ya vichochezi vya maandamano ya kihistoria ya Julai 11, mwaka 2021.