Watuhumiwa wanaotafutwa walivamia nyumba moja  kwenye kitongoji kilicho karibu na mji Durban Ijumaa usiku na kufanya mauaji hayo.

Msemaji wa polisi Robert Netshiunda amesema uchunguzi wa awali unaonesha kiongozi wa kundi lililofanya mauaji aliwataka wahanga kumpatia kitambulisho chake inachosemekana alikipoteza kwa bahati mbaya .

Ripoti zinaonesha kuwa mtuhumiwa huyo aliamini kwamba mmoja kati ya watu aliowauwa aliokota kitambulisho hicho.  Netschiunda amesema mtuhumiwa huyo tayari alikuwa akitafutwa na polisi kuhusiana na mauaji mengine.

Mauaji ya watu wengi kwa wakati mmoja hutokea mara kwa mara nchini Afrika kusini, taifa ambalo ni moja ya nchi zenye kiwango kikubwa zaidi cha mauaji duniani.