Kwa mujibu wa mamlaka za mitaa, Shambulio katika kijiji cha Kinsele, karibu kilomita 100 mashariki mwa mji mkuu Kinshasa limetokea wakati mgogoro ukiendelea kufukuta kati ya jamii zinazozana.

Kutokana na ukosefu wa usalama na miundombinu duni, mashambulizi hukuchukua muda kabla ya kuripotiwa.

Inaarifiwa kuwa shambulizi hilo lilitekelezwa na wanamgambo wa Mobondo, kundi linalojitambulisha kama watetezi wa jamii ya Yaka.

Wanamgambo waua takriban watu 23 mashariki mwa DRC

Kinsele iko katika eneo la Kwamouth, ambako migogoro imeendelea kuripotiwa kwa miaka miwili kati ya jamii za Teke na Yaka, na kusababisha mamia ya vifo vya raia.

Kulingana na shirika la kutetea haki za binaadam la Human Rights Watch, Mgogoro wa ardhi na madai ya kimila katika eneo la Kwamouth ulianza mnamo Juni 2022 kati ya wale wanaoitwa jamii  "asili" na "wasio asili."