Watu 8 waliozama ziwa Victoria Kenya waendelea kutafutwa
22 Septemba 2021![Turning the ominous hyacinth into manure](https://static.dw.com/image/44234981_800.webp)
Matangazo
Juhudi za kuitafuta miili zaidi zinaendelea ila zoezi hilo linakabiliwa na chagamoto za hali mbaya ya hewa na magugu maji iliyochangia kusitishwa kwa juhudi hizo. Mashua hiyo ilizama Jumanne jioni.
Miili ya abiria wawili kati ya abiria 16 waliokuwa wamepanda mashua hiyo iliyokuwa inasafiri kutoka Piya Homabay mjini kuelekea Ndhuru - Mbita Kusini kilomita 12 kutoka ufuoni, ilipatikana jana.
Abiria wengine sita waliokolewa na wavuvi na kukimbizwa hospitalini.
Mkurugenzi idara ya majanga Homabay, Eliud Onyango amesema oparesheni hiyo inaongozwa na maafisa wa mamlaka inayosimamia uchukuzi majini kwa ushirikiano na asasi ya ulinzi wa fukwe za bahari na kitengo kinachosimamia fukwe za ziwani.