Hayo yaliarifiwa na polisi jana Jumapili ikielezwa kwamba ni tukio la hivi karibuni kabisa la mashambulio ya ufyetuaji risasi nchini humo. Watu saba walitangazwa kufariki hapo hapo baada ya tukio hilo lililotokea Jumamosi katika mtaa wa Umlazi, mtu wa nane alifariki jana Jumapili.

Soma pia: Sudan Kusini inakabiliwa na mgogoro wa kibinadamu

Polisi imeeleza kwamba wanaume 12 walikuwa ndani ya chumba kimoja wakinywa pombe na ghafla watu wenye silaha waliwavamia na kuwapiga risasi na kisha kukimbia.

Afrika Kusini ni miongoni mwa nchi 10 zenye idadi kubwa ya matukio ya mauaji ya kukusudia duniani na katika miaka ya hivi karibuni nchi hiyo imekuwa ikiripoti visa vingi vya mashambulizi ya ufyetuaji risasi yanayowalenga watu wengi.