Watu wanazidi kukimbilia katika makambi wakati kiwango cha uharibifu kikionekana kutokana na maji kuanza kupungua. Miili mingine sita ilipatikana jana  Jumatatu na kufanya jumla ya idadi ya watu waliofariki kufikia 410 tangu msimu wa masika ulipoanza mwezi Juni. Timu za wanajeshi zimesema watu elfu kadhaa katika mji huo wamebaki katika nyumba zilizoharibiwa na mvua za siku kumi ambazo zimelikumba jimbo hilo. Maelfu ya wanajeshi wa kitengo cha wanamaji na anga wamesambaa maeneo yote ya jimbo hilo ili kuwasaidia wale waliokwama katika maeneo ya ndani ndani na milimani. Helikopta na ndege zisizo na rubani zinafanya kazi ya kudondosha vyakula, madawa na maji katika vijiji  ambako  mawasiliano yamekatika.