Wizara hiyo imesema shambulio hilo limefanywa usiku wa kuamkia leo katika kambi ya wakimbizi ya Tulkarem. Hata hivyo, haijaelezwa iwapo waliouawa ni wapiganaji wa kundi la Hamas ama ni raia wa kawaida.

Jeshi la Israel limesema katika taarifa kuwa, shambulio lao la anga limelenga wapiganaji kadhaa katika kambi ya Tulkarem, huku jeshi likiendeleza oparesheni ya kutafuta vilipuzi vilivyozikwa ardhini katika eneo hilo.

Soma pia:Ukanda wa Gaza waendelea kushambuliwa na Israel

Eneo la Ukingo wa Magharibi limeshuhudia ongezeko la ghasia tangu shambulio la Hamas katika ardhi ya Israel mnamo Oktoba 7.