Tukio hilo limezua taharuki katika mji mdogo wa Lake Cargelligo, ulioko takriban kilomita 611 magharibi mwa Sydney, huku wakazi wakihimizwa wabaki majumbani kwa ajili ya usalama wao.

Kwa mujibu wa taarifa za polisi, wanawake wawili na mwanamume mmoja wameuawa katika tukio hilo la jioni, huku mwanamume mwingine akipelekwa hospitalini akiwa katika hali mbaya lakini thabiti.

Gazeti la Sydney Morning Herald limeripoti kuwa mtuhumiwa huyo anadaiwa kujificha ndani ya mji huo akiwa na silaha.

Polisi wameweka vizuizi katika maeneo kadhaa na kuwataka wananchi kuepuka maeneo ya tukio na kutoa taarifa yoyote watakayokuwa nayo kuhusu mshukiwa huyo.

Shambulio hilo la risasi limetokea wiki chache tu tangu tukio jingine baya la risasi kutokea kwenye ufukwe wa Bondi wakati wa hafla ya Hanukkah, ambapo watu 15 waliuawa. Tukio hilo lilitajwa kuwa shambulio baya zaidi la risasi nchini Australia katika kipindi cha miongo kadhaa, na liliibua mjadala kuhusu usalama wa umma na udhibiti wa silaha.