Tukio hilo lilitokea siku ya Jumapili, kulipofanyika maandamano katika miji kadhaa ya Amhara ya kupinga mipango ya serikali ya kuvunja vikosi vya kikanda.

Shirika hilo la Marekani limesema waliouawa ni meneja wa usalama Chuol Tongyik na dereva Amare Kindeya, waliokuwa kwenye gari wakirejea Addis Ababa kutoka kwenye majukumu jimboni humo.

Mwakilishi wa CRS nchini humo, Zemede Zewdie amesema wanahuzunishwa sana na tukio hilo pamoja na machafuko yasiyo na maana, ingawa limeahidi kuendelea kuwasaidia watu wa Ethiopia.