Waziri wa kilimo na misitu Ibrahim Yumakli amesema leo kuwa, juhudi zinaendelea kudhibiti moto katika mikoa iliyobakia.

Moto mkubwa ulizuka kaskazini magharibi mwa Uturuki mapema wiki hii katika mikoa ya Canakkale, Bolu, Manisa na Gordes.

Waziri huyo ameeleza kuwa, moto uliozuka katika mkoa wa Canakkale umedhibitiwa huku wazima moto wakifanikiwa kudhibiti japo kwa kiasi fulani moto katika mkoa mwengine wa Manisa.

Magavana wa Canakkale na Bolu wamesema watu katika baadhi ya vijiji wamehamishwa kama hatua ya tahadhari lakini hakuna tishio la moja kwa moja kwa maeneo ya makaazi ya watu.