Blinken, aliyewasili Beijing tayari kwa ziara ya afisa wa ngazi za juu zaidi wa serikali ya Joe Biden kufanywa nchini humo, alizungumza kwa simu na waziri wa mambo ya nje wa Korea Kusini Park Jin, na kujadiliana juu ya mahusiano baina ya mataifa hayo, uhusiano kati ya Korea Kusini na China pamoja na Korea Kaskazini.

Hata hivyo, maafisa wa Marekani wameonyesha matumaini hafifu juu ya ziara hiyo ya Blinken nchini China ambayo ni ya kwanza katika kipindi cha miaka mitano, ikiwa itafungua njia ya namna Washington na Beijing zitakavyoshughulikia masuala baina yao.

Kulingana na Blinken, ziara hiyo inalenga kuanzisha mawasiliano ya wazi na thabiti baina yao.